Kuvendi i Kosovës nuk do ta ratifikojë as javën që vjen mërrveshjen e demarkacionit me Malin e Zi. Kjo për shkak se mmungon kuorumi i nevojshëm.
Kryetari i Kuvendit, Kadri Veseli, pas mbledhjes së kryesisë së Kuvendit me shefat e grupeve parlamentare, ka njoftuar se të martën dhe të mërkurën do të ketë vazhdim të seancës, kurse të enjten do të ketë seancë të re.
Duke u ndalur te votimi i marrëveshjes, Veseli tha se duhet një reflektim më qytetar i Lëvizjes Vetëvendosje.
Kreu i grupit parlamentar të Nismës Socialdemokratike, Bilall Sherifi, tha pas mbledhjes se është marrë vendim që në seancat e mbetura përgjysmë të vazhdojnë të martën e më pas. Kurse, për demarkacionin tha se nuk është diskutuar sepse mungojnë pak vota.
Ratifikimi i marrëveshjes së demarkacionit shihet si një nga kushtet kryesore për liberalizimin e vizave për shtetasit e Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
