Ambasadori i OSBE-së Bernd Borchardt, ka reaguar sot duke kërkuar falje pas gjestit që bëri mbrëmë ndaj banorëve të Astirit.
Me një shënim në faqen e prezences së OSBE në Tiranë, në rrjetin social Twitter, ambasadori ka lënë një mesazh ndjesë.
“Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht” – ambasadori Borchardt”
Mbrëmjen e djeshme përpara Drejtorisë së Policisë, ambasadori bëri një gjest të pahijshëm, duke u treguar 'gishtin e mesit' protestuesve të Astirit, pasi njëri prej tyre thirri 'Rama ik'.
Banorët ishin mbledhur aty për të kërkuar lirimin e protestuesve, mes tyre edhe ish-deputeti i PD, Klevis Balliu.
Video me gjestin e ambasadorit u pasua me reagime të forta, edhe nga politika. Nënkryetari i LSI-së, Petrit Vasili që kërkoi largimi e tij nga vendi yne, duke e cilesuar ate nje akabak qe nuk perfaqeson as OSBE dhe as Evropen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
