Filipinet kanë anuluar mësimin fizik, duke kaluar në atë online, për dy ditët e ardhshme dhe thanë se rrjeti elektrik në ishullin e tij kryesor mund të mbingarkohet pasi vendi po përballet me një valë të nxehti që po prek edhe pjesë të tjera të juglindjes së Azisë.
Agjencia shtetërore e motit parashikoi se të hënën temperaturat në rajonin e kryeqytetit mund të arrijnë 37 gradë Celsius, por edhe në tre ditët e ardhshme.
Agjencia tha se indeksi i nxehtësisë, temperatura e ndjerë nga trupi përfshirë lagështinë relative pritet të mbetet në një rekord 45 gradë Celsius, në intervalin që e klasifikon si “të rrezikshëm” pasi mund të shkaktohen goditje nxehtësie nga ekspozimi i zgjatur me temperaturat e larta.
Nxehtësia mund të vazhdojë të arrijë nivelet rekord deri në javën e dytë të majit, tha Glaiza Escullar, parashikuese shtetërore e motit, për stacionin radiofonik DZBB.
Vala e të nxehtit po ushtron presion mbi furnizimin me energji elektrike në ishullin kryesor të Luzonit, i cili përbën tre të katërtat e prodhimit ekonomik, ku rezervat janë pakësuar pasi 13 termocentrale u mbyllë në fillim të këtij muaji, tha në një deklaratë operatori i rrjetit të Filipineve.
Në Indonezi, temperaturat më të ngrohta janë përmendur si një faktor në rritjen e rasteve të etheve të dengës, një infeksion i shkaktuar nga mushkonjat, në 35.000 raste muajin e kaluar nga 15.000 një vit më parë.
Fenomeni i motit El Nino ka zgjatur sezonin e thatë dhe temperaturat më të nxehta kanë përshpejtuar ciklin jetësor të mushkonjave, tha zëdhënësja e ministrisë indoneziane të Shëndetësisë Siti Nadia Tarmizi për agjencinë e lajmeve Antara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
