Presidentja hungareze Katalin Novak dha dorëheqjen të shtunën pasi u vu nën presion si rezultat i vendimit të saj të diskutueshëm për të falur një burrë i cili ishte përfshirë në një skandal abuzimi seksual vitin e kaluar.
Novak ndërpreu një udhëtim në Katar dhe u kthye në Budapest, ku dhe bëri njoftimin.
“Lëshova një dekret faljeje i cili shkaktoi tension dhe trazira për shumë njerëz. Kam bërë një gabim”, tha ajo në një fjalim televiziv të shtunën, duke njoftuar se do të largohej nga posti i kryetares së shtetit.
Mbi 1000 persona u mblodhën në Budapest të premten për të kërkuar dorëheqjen e Novak, një aleate e ngushtë dhe ish-ministre e Familjes së kryeministrit Viktor Orban.
Partitë e opozitës hungareze e kanë kaluar javën duke bërë thirrje për largimin e Novak, si dhe atë të Judit Varga, ish-ministre e Drejtësisë e cila firmosi faljen dhe pritet të kryesojë listën e partisë në pushtet Fidesz për zgjedhjet e Parlamentit Evropian këtë vit.
Ndërsa ishte i ditur fakti se Novak kishte falur dhjetëra persona përpara vizitës së Papa Françeskut në Hungari në prill 2023, vetëm së fundmi u zbulua se një nga personat që përfitoi nga masa ishte zëvendësdrejtori i një shtëpie fëmijësh, i dënuar për mbulimin e një abuzimi seksual me të mitur.
Novak ishte në Katar për të ndjekur ndeshjen Hungari-Kazakistan në Kampionatin Botëror të Vaterpolit dhe ishte planifikuar të aty gjatë fundjavës.
Mediat hungareze më herët të shtunën raportuan se avioni i saj ishte nisur përpara afatit dhe dukej se po kthehej në Budapest.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
