Ndragheta në Nju-Jork, zhvatje dhe kokainë

Tentakulat e 'Ndrangheta'-s kanë arritur deri në Nju-Jork, duke u futur midis rrokaqiejve të Manhatanit.

Janë 18 persona të arrestuar nga policia e shtetit me akuzën se kanë qenë pjesë e një organizate kriminale, me qendër në Rocca di Neto, në zonën e Crotone, e cila kishte arritur deri aty sa të kryente zhvatje masive ndaj operatorëve ekonomikë dhe furnizim me kokainë për mjediset e rëndësishme në Nju-Jork.

Operacioni, i koordinuar nga DDA e Catanzaros dhe si rezultat i hetimeve të nisura në mars 2020, u krye nga Shërbimi Qendror Operativ (SCO) i Policisë së Shtetit, nga Skuadrat Mobile Catanzaro dhe Crotone dhe nga Departamenti i Parandalimit të Krimit, me bashkëpunim me FBI-në, e cila ka kryer kontrolle në Nju Jork. Në shënjestër janë vënë një grup i përbërë nga italo-amerikanë që jetonin prej kohësh në metropolin amerikan, i cili drejtonte një sërë aktivitetesh të paligjshme të përqendruara në zhvatjen dhe trafikun e drogës.

Në krye të klanit rezultoi grupi Corigliano-Comito, i pajisur me kapacitet kontrolli territorial dhe hierarki të brendshme dhe bashkëpunim me "lokalin" e Belvedere Spinello, i përqendruar në krimin e organizuar dhe me lidhje në Shtetet e Bashkuara. Hetimet çuan edhe në zbulimin e zhvatjes ndaj pronarëve të një klinike private në Rocca di Neto, të cilët u detyruan të paguanin dy mijë euro në muaj anëtarëve të organizatës për të “garantuar qetësinë shpirtërore”. Çdo muaj, punonjësit e klinikës telefononin Martino Corigliano, pronar i një lokali në Rocca di Neto, duke kërkuar "furnizim periodik me briosh". Një gjuhë e koduar që shërbente për të informuar grupin kriminal se paratë e zhvatjes ishin gati dhe mund të tërhiqeshin.

Rasti është konfirmim i mëtejshëm i aftësisë së klaneve të “Ndrangheta”-s për të depërtuar dhe për të ndikuar në ekonomitë në mbarë botën dhe të mbajë një rol udhëheqës ndërkombëtar në trafikun e drogës, i cili prodhon fitime të mëdha të cilat më pas kthehen në ekonomi përmes mekanizmave të gjerë të pastrimit.

/ ANSA /