Një plagosje me armë zjarri të llojit çifte është shënuar pasditen e sotme në fshatin Stropckë, të Njësisë Administrative Çërravë në Pogradec.
Rreth orës 18:40, në fshatin Stropckë, Pogradec, ka ndodhur një konflikt familjar i çastit mes babait dhe djalit të tij. Shtetasi Përparim Shkullaku, 47 vjeç, në gjendje të dehur ka dhunuar babait e tij shtetasin Agim Shkullaku, 83 vjeç. Më pas 83-vjeçari ka marrë armën e gjahut dhe ka plagosur djalin e tij shtetasin Përparim Shkullaku, i cili është transportuar për në spital për ndihmë mjekësore.
Shërbimet e Komisariatit të Policisë Pogradec, kanë bërë shoqërimin e 83-vjeçarit në Komisariatin e Policisë për veprime të mëtejshme. Gjithashtu shërbimet e policisë kanë bllokuar e sekuestruar në cilësinë e provës materiale armën e gjahut me të cilën dyshohet se 83-vjeçari ka plagosur djalin e tij. Grupi hetimor në drejtimin e Prokurorisë po punon për zbardhjen e plotë të rrethanave dhe dokumentimin ligjor të kësaj ngjarjeje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
