Djali 20-vjeçar i 41-vjeçares shqiptare Lonora Serina (Hysaj), e cila u vra nga bashkëshorti i saj ka folur për krimin në Zakinthos, ngjarje e cila tronditi gjithë Greqinë.
I riu ka qenë në gjykatë të martën pasi ka dashur të jetë “i pranishëm” kur babai i tij ka kaluar nga dera e prokurorisë për të kërkuar falje.
Në një deklaratë për mediat greke, i riu ka treguar se nëna e tij kishte shumë frikë.
Nëna bënte dy punë për të mbajtur familjen por edhe babanë. Babai im i shpenzonte të gjitha paratë. Ata ziheshin shpesh.
Edhe unë, edhe vëllai kishim ndërhyrë shumë herë mes tyre, madje edhe duke e goditur që të largohej. Kur ajo e paditi një muaj më parë, ai iu lut të kthehej.
Më pas u lirua me kusht që të mos i afrohej mamasë. Por ai erdhi dhe iu lut të qëndronte në shtëpi derisa të gjente një vend tjetër.
Dhe nëna ime, duke menduar për ne dhe duke pasur frikë, e pranoi. Pavarësisht dhunës që kishte pësuar nga duart e tij.
Ndërsa për ditën e vrasjes, i riu tregon se babai erdhi në shtëpi i dehur, e rrahu nënën dhe ajo e denoncoi sërish, por se policët e kishin lënë të lirë.
41-vjeçarja Lonora Serina (Hysaj), u vra me thikë nga i shoqi 51-vjeçar, jashtë shtëpisë së tyre në Tsilivi të Zakinthos.
Varrimi i saj është caktuar për të premten, më 5 gusht, ndërkohë që trupi i pajetë do të dërgohet në Shqipëri.
Më 18 qershor, 51-vjeçari ishte arrestuar nga policia greke pas kallëzimit të bërë nga 41-vjeçarja për dhunë në familje.
Asokohe burri ishte liruar me kusht që të mos i afrohej gruas së tij në një distancë më të vogël se 100 metra. Por 41 -vjeçarja duket se ditët e fundit dhe pas lutjeve të tij, i kishte ardhur keq dhe e kishte lënë të kthehej në shtëpinë e tyre, por e pagoi me jetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
