Izraeli, Greqia, Italia dhe Qiproja do të nënshkruajnë një marrëveshje tubacioni gazi të emërtuar “EastMed” në fillim të janarit. Njoftimin e bëri kryeministri Benyamin Netanyahu, i cili tha se ai do të jetë në Athinë së bashku me Ministrin e Energjisë Yuval Steinitz për të nënshkruar marrëveshjen që do të kontribuojë "në sigurinë energjetike të Evropës dhe në prosperitetin e Izraelit dhe të Mesdheut Lindor". Sipas mediave, ceremonia pritet të zhvillohet në datën 2 janar. Tubacioni i gazit“EastMed”, i ushqyer nga rezervat në brigjet e tri vendeve mesdhetare, kalon në një gjatësi prej 2 mijë kilometrash nga Izraeli, përmes Qipros, Greqisë, për të arritur në Italinë e Jugut dhe prej atje në Evropë. Kapaciteti i tij është midis 9 dhe 12 miliardë metra kub në vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
