Policia e Beratit ka arrestuar një grua dhe një burrë si dhe kanë vënë nën hetim 3 të tjerë në lidhje me laboratorin modern të drogës që u zbulua sot në Skrapar dhe ku u gjendën disa ton kanabis sativa.
Policia njofton se në pranga kanë rënë Muhamet Kadiu, 49 vjeçar dhe Edlira Lame, 42 vjeçe, të dy banues në Skrapar. Edlira Lame ishte administratorja e një fasonerie, magazinë e cila më parë ka qënë fabrikë e prodhimit të bimëve medicinale.
Policia gjithashtu ka nisur procedim penal në gjendje të lirë për shtetaset:
S. K 47 vjeçe, Z. Xh, 45 vjeçe, A. Ç 51 vjeçe, të treja banuese në Skrapar.
Cfarë gjeti policia gjatë kontrollit të këtyre shtetasve
Gjatë kontrollit të ushtruar në ambientet e një firme private (fasoneri) ku prodhoheshin çanta kartoni, verë dhe raki, e cila më parë ka qenë fabrikë e prodhimit të bimëve medicinale, në administrim të shtetases Edlira Lame u gjetën:
-pajisje elektrike të cilat dyshohet se përdoreshin për prodhim të bimëve narkotike.
-176.000 lekë të rinj, 250 paund, 19.900 dollar si dhe 210 fishek kalibër 7.62 mm.
Gjithashtu gjatë kontrollit të ushtruar në automjetin (furgon), në pronësi të shtetasit Muhamet Kadiu u gjetën pajisje elektrike të njëjta me ato të cilët u gjetën në fabrikë. Dyshohet se shtetasit e mësipërm në bashkëpunim me njëri-tjetrin në ambientet e fabrikës ushtronin këtë aktivitet të kundërligjshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
