Termi “Feta”, i përdorur në Greqi për të emërtuar djathin e bërë nga qumështi i deleve dhe dhive, është bërë shkak për një kontest me Danimarkën, që ka përfunduar në gjykatë.
Greqia shënoi sot një fitore në luftën për të mbrojtur të drejtën e saj për termin 'Feta' ndërsa gjykata më e lartë e Evropës qortoi Danimarkën, e cila i ka bllokuar kompanitë vendase që përdorin emrin feta për shitje jashtë Bashkimit Evropian.
Greqia pretendon se feta është pjesë e trashëgimisë së saj kulturore, pasi përdoret prej 6000 vjetësh.
Gjykata e Drejtësisë e Bashkimit Evropian (GJED) me seli në Luksemburg ra dakord me pohimin e saj.
“Duke dështuar në ndalimin e përdorimit të emërtimit ‘Feta’ për djathin e destinuar për eksport në vendet e treta, Danimarka nuk ka përmbushur detyrimet e saj sipas ligjit të BE-së”, thanë gjyqtarët.
Në çështjen e ngritur nga Komisioni Evropian dhe të mbështetur nga Qiproja, Danimarka kishte argumentuar se ndalimi i eksportit mund të shihej si një pengesë për tregtinë.
Feta është cilësuar si një produkt tradicional grek nga ekzekutivi i BE-së që nga viti 2002 dhe i ka dhënë asaj mbrojtje ligjore në bllokun 27-vendesh. Në vitin 2005, GJED-ja miratoi edhe etiketën e saj.
Çështja është më shumë se thjesht krenari kombëtare për Greqinë, e cila prodhon rreth 120 000 ton feta në vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
