Mediat janë ndër bizneset që e kanë ndier menjëherë krizën e koronavirusit. Mediat e Spanjës ishin ndër të parat që ngritën shqetësimin se pavarësisht audiencës në maksimum në kohën e izolimit të njerëzve në shtëpi, ngadalësimi ekonomik po vë në rrezik vazhdimësinë e punës së tyre.
Reklamat kanë rënë në radio, televizione dhe gazeta si pasojë e rënies ekonomike, në një kohë kur nevoja për informim është akoma më e madhe se më parë. Shoqatat e medias në Spanjë i kërkuan qeverisë të hartojë masa specifike për t’i mbështetur. Ndër to, ata sugjerojnë garancitë dhe kreditë e buta dhe uljen e kuotës së sigurimeve shoqërore.
Edhe mediat greke e kanë bërë një hap të tillë. Në një letër dërguar qeverisë greke, sindikatat e gazetarëve i kanë dërguar një letër qeverisë, me të cilën i kërkojnë që në masat për situatën e koronavirusin të përfshijnë edhe gazetarët, kjo për të shmangur largimet nga puna.
Një situatë e ngjashme është edhe në Itali, vendi ku virusi është shfaqur më agresiv se kudo, çka e ka detyruar qeverinë të shtrëngojë masat kufizuese herë pas here. “Corriere della Sera”, një nga mediat më të vjetra në treg, po përballet me vështirësi të kësaj natyre.
Siç bëhet e ditur në një komunikatë të sindikatës së punonjësve, pavarësisht situatës dramatike, kompania ka vendosur të propozojë shpërndarjen e dividendit për këtë vit, në masën 15 milionë euro.
Në deklaratë thuhet se kompania po diskuton nxjerrjen në pension të parakohshëm të rreth 50 punonjësve si dhe largimin e shumë të tjerëve. Ata thonë se para shpërndarjes së dividendit, në këtë moment kompania duhej të zgjidhte investimet për të forcuar grupin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
