Berisha: Po dënoni me ligj shqiptarët, djegësat u kanë shuar memorien dhe moralin

Kryedemokrati Sali Berisha duke folur në seancën e sotme parlamentare, deklaroi ajo që ndodh sot në ditën e fundit të parlamentit është jashtë çdo lloj ligji, morali apo rregulli. Ai deklaroi se në parlament vendoset me ligj të dënohen shqiptarët, studentët dhe de facto të mbyllet Fakulteti i Mjekësisë. “Po të isha student, kurrë nuk do të regjistrohesha në një fakultet që të imponon këtë që impononi ju. Kjo është në përputhje me doktrinën e Çubrillovicit për shpërnguljen e shqiptarëve. Shkoni te mjete te diktaturës, për të zgjidhur problemin numër një, që është problemi i shëndetit të shqiptarëve. Së dyti, ligji i Akademisë së Shkencave është historia më e turpshme në 30 vite. Veproni si ata në shpellën e Borizanës. Për të zgjatur mandatin e një njeriu që nuk meriton të qëndrojë një ditë dhe që është produkt i një marrëveshje kriminale mes Edi Ramës dhe Tom Doshit. Çfarë politike ka bërë Gjinushi, çfarë studimi ka bërë? Ka bërë marrëveshje me Tom Doshin. Po a ka gjë më të turpshme? Të krahasosh Gjinushin me Ismail Kadarenë është si të krahasosh Rrajet me shkopinj në dorë me pastorin. Së fundmi, nuk ke faj ti zonjë që deklaron se asnjë qindarkë nuk deklaron nga buxheti i shtetit. Nuk ke faj se djegësat ua kanë shuar memorien, ua kanë shuar moralin. Po ju informoj se me një marrëveshje të firmosur vetëm në vitin e parë, djegësi i Tiranës ka marrë nga qeveria shqiptare 6.4 milionë euro dhe 1.1 milionë euro nga bashkia e Tiranës. Janë bërë gjeri tani 64 milionë euro nga buxheti i shtetit. Këto fonde shkojnë në kontot e Edi Ramës, Engjëll Agaçit dhe të tjerëve.”