Komisioni Qendror i Zgjedhjeve vendosi këtë të enjte t’i kalojë mandatin e deputetit të Tom Doshit, Jetmira Rraboshtës.
Ajo është një 50-vjeçare nga Shkodra dhe anëtare e PSD-së.
Lajmi është bërë i ditur nga kreu i KQZ, Ilirjan Celibashi, i cili tha se ky vendim hy në fuqi menjëherë.
“Vendosim dhënien e mandatit të deputetit të kandidatit të radhës të PSD, Jetmira Raboshta. Ky vendim hy në vendim menjëherë dhe botohet në Fletoren Zyrtare, kundër këtij vendimi mund të ankimohet brenda 5 ditëve në Kolegjin Zgjedhor”, tha Celibashi.
KQZ në një njoftim sqarues bëri të ditur se mandati i takon zgjedhjeve të 2017-s dhe Jetmira Rraboshta do ta mbajë këtë mandat deri në shtator të këtij viti, kur edhe do të konstituohet Parlamenti i ri.
Tom Doshi dhe dorëheqjen e parevokueshme nga mandati i tij i deputetit një ditë pas zgjedhjeve të 25 prillit. Doshi, përmes një letre, vuri në dijeni KQZ-në duke kërkuar edhe zëvendësimin e tij. PSD mori 3 mandate në zgjedhjet e 25 Prillit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
