Lala: Gjuha linçuese e Veliajt do të ashpërsohet kur çështja të shkojë për shqyrtim në Apel

Gjyqtarja e Apelit të Posaçëm, Ilirjana Olldashi, u tërhoq nga shqyrtimi i ankimimit të Ajola Xoxës, kundër kontrolleve dhe sekuestrimeve të vendosura nga GJKKO në banesën dhe bizneset e saj gjatë muajit dhjetor. Çështjen e mori në shqyrtim gjyqtari Engert Pëllumbi, pasi Olldashi paraqiti aktin “Raport për paaftësinë e përkohshme në punë”.

Gazetarja Klodiana Lala tha në emisionin “Të Paekspozuarit” në MCN TV se ndaj këtij gjyqtari ende nuk ka një akuzë nga ana e Partisë Socialiste, pasi ai ka dhënë masën "detyrim paraqitjeje" për Sali Berishën.

Ajo shtoi se gjuha linçuese e Erion Veliajt do të vazhdojë dhe do të bëhet më e ashpër kur çështja të kalojë për shqyrtim në Apel.

Unë mendoj se gjuha linçuese e z,Veliaj do et vijojë dhe do te bëhet më e ashpër në momentin kur do të shkoj çështja për tu shqyrtuar në Apel.

Ka një detaj mjaft interesant: çështjen ndaj Veliajt në Apel po e shqyrtonte gjyqtarja Ilirjana Olldashi, e cila ka pasur një sulm të paprecedentë ndaj saj, duke paraqitur një raport në Gjykatën e Posaçme të Apelit, duke pretenduar se ka paaftësi për të vijuar shqyrtimin e çështjes. Më pas, çështjen e ka marrë në shqyrtim gjyqtari Engert Pëllumbi.

Ndaj tij ende nuk ka akuza, pasi PS dhe mazhoranca nuk kanë asnjë argument konkret, duke qenë se ai është i njëjti gjyqtar që ka dhënë masën "detyrim për tu paraqitur" për Sali Berishën.

Ky është një shembull i qartë se kur gjyqtarët dhe prokurorët preken nga mazhoranca dhe opozita, ata mund të shihen si të pasigurt dhe të vendosen në pozita të vështira për të formuluar akuza.