Kryeministri i Greqisë, Kyrakos Mitsotakis, nga parlamenti ka deklaruar se Greqia do të sigurojë 12 milje edhe në detin Jon.
Ndërkaq ai ka bërë me dije se për këtë është informuar edhe ministri i Jashtëm Nikos Dendias, ndërsa shton se ai do të zhvillojë shumë shpejt një vizitë në Tiranë.
“Ne po e rrisim Greqinë! Do të sigurojnë 12 milje edhe në detin Jon sipas të gjitha konventave ndërkombëtare. Asgjë s’na pengon neve që të arrijmë këtë.
Do të respektojmë konventat ndërkombëtare dhe do të aplikojm standardin e ndajres në mënyrë të barabartë të detit kur distanca mes dy shteteve është më e ulët se 24 milje“, u shpreh Mitsotakis.
Ai i ka bërë këto deklarata duke u nisur nga përplasja me Turqinë për shelfin kontinental të ishullit Kastelorizo.
Mes duartrokitjeve nga deputetët e qeverisë, Mitsotakis njoftoi se projektligji përkatës së shpejti do të paraqitet drejtpërdrejt në Parlament dhe se zgjatja bazohet në nenin 3 të ligjit ndërkombëtar të detit.
"Greqia po rritet. Të tjerët kanë thënë kështu. Por ne jemi ata që e zbatojmë atë në praktikë. Kështu, ne vazhdojmë në ushtrimin e të drejtës sonë sovrane të padiskutueshme, në përputhje me nenin 3 të Konventës për Ligjin e Detit, [shtrirjen e ujërave territoriale] në zonën e detit të Detit Jon dhe Ishujt Jon deri në Cape Tainaro në Peloponezit”, theksoi Mitsotakis.
Në Tetor 2018, Ministri i Jashtëm Nikos Kotzias kishte njoftuar shtrirjen e ujërave territoriale përgjatë Greqisë perëndimore, megjithatë, qeveria Syriza nuk vazhdoi me materializimin, gjoja për shkak të kundërshtimeve të kryeministrit Alexis Tsipras.
Mitsotakis zbuloi më tej se Ministri i Jashtëm Nikos Dendias do të udhëtojë në Tiranë për të biseduar me homologun e tij të Shqipërisë për demarkacionin në kufijtë detarë midis dy vendeve fqinje, një projekt që është punuar gjatë viteve të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
