Një aksident ka ndodhur pas mesnatës në aksin nacional Lushnjë-Berat.
Një automjet tip “Golf 7” ka dalë nga rruga pranë kryqëzimit të fshatit Qerret. Siç duket dhe nga pamjet makina është përplasur me bankinat anësore të rrugës të cilat depërtuan mjetin në brendësi.
Si pasoje e këtij aksidenti ka marrë dëmtime drejtuesi i mjetit E.F i cili udhëtonte i vetëm. Ai është transportuar drejt spitalit të Lushnjës për të marrë ndihmën e parë, ku sipas mjekëve fatmirësisht gjendja e tij është e mirë, me pak dëmtime të lehta.
Vendi ku ndodhi aksidenti është një njollë e zezë në këtë aks rrugor ku ka pasur aksidente të shumta me pasojë vdekjen. Edhe pse njihet i tillë deri tani asnjë masë nuk është marrë për të zgjidhur këtë problematike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
