Anëtari i Këshillit i Kombëtar të PD, Edvin Kulluri, gjatë intervistës në emisionin “Bilardo” u ndal edhe të zhvillimet e fundit në Kosovë.
Sipas Kullurit Rama i ka bërë hyzmetin uljes së tensioneve dhe pushtetit të tij për të mos qenë plangprishësi në Ballkan. Tjetër mendim ka Kulluri për Kurtin, i cili sipas tij ka doza të larta sovraniteti që nuk përkojnë me fuqinë e Kosovës.
Duke folur mbi rolin e kryeministrit shqiptar, Kulluri tha:
Rama i ka bërë hyzmetin uljes së tensioneve dhe jo radikalizimit që nuk i shërben një Kosove të njohur nga Serbia, dhe pastaj përfundimisht ndërkombëtarisht. I ka bërë hyzmetin dhe pushtetit të tij duke mos qenë plangprishës në Ballkan për SHBA-në dhe BE-në. Një rrugë e dy punë”.
Duke folur mbi rolin e kryeministrit të Kosovës, Kulluri u shpreh:
Kurti nuk do të kuptojë që sovraniteti i lartë kërkon fuqi të madhe. Artikulimet dhe qëndrimet e Kurtit me këto doza të larta sovraniteti nuk përkojnë fare me fuqinë e Kosovës dhe Shqipërisë në Europë e më gjerë. Kjo do të thotë që Kosova do vazhdojë të paguajë çmim të lartë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
