Kryeministri Edi Rama ka përsëritur sot ftesën për dialog ndaj protestuesve, duke vendosur sërish sofrën e gurtë para Kryeministrisë me disa letra ku shkruhet "dialog".
Njësoj si në dy ditët e fundit, rrotull sofrës mungojnë karriget, të cilat u thyen dhe u dogjën nga protestuesit gjatë tubimeve të mëparshme.
Ftesa e radhës e kreut të qeverisë vjen në një kohë kur pjesëmarrja në bulevard ka pësuar një rënie, ku ditën e djeshme një numër i vogël pjesëmarrësish tentuan akte dhune duke djegur kartonë te Ministria e Arsimit dhe duke i vënë flakën një peme.
Ndërsa tensionet vazhdojnë, zëra nga radhët e studentëve deklarojnë se janë kundër dhunës dhe kërkojnë një zgjidhje politike.
Kjo situatë vjen fill pas prezantimit të paketës së re qeveritare anti-dhunë, e cila parashikon ashpërsim të ndjeshëm të gjobave dhe dënimeve jo vetëm për personat që kryejnë akte dhune, por edhe për të gjithë pjesëmarrësit në tubime të dhunshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
