Eksperti zgjedhor Kristaq Kume, duke komentuar propozimet për Kodin Zgjedhor, thotë se administrata zgjedhore duhet të depolitizohet.
Ai shton se duhet të mundësohet demokracia e drejtpërdrejtë me anë të referendumeve.
Duke folur për “MCN Informacion”, Kume shprehet se është koha që të hiqet dorë nga numërimi i përqendruar dhe të vazhdojmë me numërimin në qendrat e votimit.
Nuk ka pse të kërkojmë të bëjmë shpenzime shumë të mëdha. Funksionon e shoqëruar edhe me departizimin e qendrave të votimit.
Ne kaluam në numërimin e përqendruar të rezultateve të procesit zgjedhor duke marrë si shembull përvojën angleze, pasi sidomos zonat rurale ishte shumë e vështirë të mbaheshin nën kontrollin e ligjit.
Ndërsa sot jemi në kushte totalisht ndryshe, ne e kemi të monitoruar qendrën e votimit online totalisht me kamera. Puna duhet nisur në themel.
Duhet nismë gjithëpërfshirës ligjvënëse për rregullimin e legjislacionit tonë.
Duhet të zhvillohet një reformë zgjedhore që të mundësojë demokracinë e drejtpërdrejtë, zhvillimin e referendumeve.
Presidenti i Republikës duhet të zgjidhet nga populli. Efekti i teknologjisë ia vlen për nxjerrjen e shpejtë të rezultatit, ndërsa për çdo gjë tjetër, efekti është zero.
Zgjerimi i votimit elektronik ka kosto të lartë, nuk është efektiv. Propozimi i Celibashit për votim elektronik jashtë shtetit, mund të bëhet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
