Kompania ruse e metaleve Rusal ka bërë thirrje për një hetim për vrasjen e civilëve në Bucha, një periferi e kryeqytetit ukrainas Kiev.
Kryetari i Rusal Bernard Zonneveld tha në një deklaratë se raportet e fundit për mizoritë nga qyteti, i cili ishte i pushtuar nga trupat ruse për një muaj deri në fund të marsit, kishin tronditur kompaninë.
“Ne besojmë se ky krim duhet të hetohet tërësisht”, tha ai. “Ne mbështesim një hetim objektiv dhe të paanshëm të këtij krimi dhe bëjmë thirrje për dënim të ashpër për autorët.
Deklarata e Zonneveld nuk adresoi se kush mund të jetë përgjegjës për mizoritë, por vazhdoi duke thënë se "incidente të tilla e bëjnë këtë tragjedi të tmerrshme edhe më traumatike".
"Ne të gjithë dëshirojmë një fund të hershëm të këtij konflikti vëllavrasës, i cili shkatërron jetë, familje dhe qytete të tëra. Dhe ne duam që ata që janë përgjegjës për krime të tilla të ndëshkohen siç duhet", thuhet në deklaratë.
Kompanitë ruse kanë qëndruar kryesisht të heshtura për luftën në Ukrainë . Megjithatë, skenat tronditëse në Bucha që u shfaqën fundjavën e kaluar e bindën gjigantin e metaleve të shprehej. Trupat e civilëve të paarmatosur u gjetën të shpërndarë nëpër rrugë, të lidhur dhe të pushkatuar
Rusia ka mohuar çdo përfshirje në incident, duke pretenduar - pa prova - se mizoritë në Bucha ishin inskenuar dhe pjesë e një "fushate të planifikuar mediatike". Dëshmitarët që kanë folur për CNN thanë se masakra në qytet filloi javë më parë, kur u pushtua nga forcat ruse.
Zonneveld, një shtetas holandez, tha se Rusal po bënte thirrje për një zgjidhje të hershme paqësore të këtij konflikti "për të ruajtur jetët e paçmuara njerëzore dhe për t'u kthyer në normalitet".
Kompania e metaleve operon në pesë kontinente dhe ishte përgjegjëse për 6% të prodhimit të aluminit në botë në vitin 2019, sipas faqes së saj të internetit.
Themeluesi i saj, miliarderi rus Oleg Deripaska, tha në aplikacionin e mesazheve Telegram javën e kaluar se lufta ishte "çmenduri" dhe tashmë mund të ishte zgjidhur përmes negociatave.
Shumë prej oligarkëve të Rusisë – që përbëhen nga një grup i përzgjedhur liderësh biznesi ultra të pasur – kanë heshtur ndaj sulmit të presidentit rus Vladimir Putin ndaj Ukrainës, pavarësisht se janë objektiva të ndëshkimit të sanksioneve perëndimore .
Por Deripaska theu radhët menjëherë pas pushtimit në fund të shkurtit për të bërë thirrje për paqe , ndërsa miliarderi Roman Abramovich, pronari në largim i Klubit të Futbollit Chelsea, ka marrë pjesë në bisedimet midis Rusisë dhe Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
