Vazhdojnë me bllokimin e rrugëve dhjetëra anëtarë dhe mbështetës të Partisë Demokratike. Duke që sa herë kryeministri Edi Rama do të ketë takime në qytete të ndryshme, do t'i bllokohet rruga nga ish-deputetët demokratë dhe militantët e kësaj force politike. Prita ju bë sot në Bradashesh, në hyrje të qytetit të Elbasanit, ku kreu i qeverisë ndalet në turin "Bashkia që Duam" për zgjedhjet lokale.
Një grup protestuesish të udhëhequr nga ish-deputetët Luçiano Boçi, Edmond Spahi dhe Endri Hasa u stacionuan në mes të rrugës duke sjellë bllokimin në trafik të automjeteve, jo vetëm makinave të vogla por edhe autobusëve me pasagjerë. Forcat e policisë së Elbasanit, të mbështetura edhe nga Forcat e Ndërhyrjes së Shpejtë, mundën të shpërndajnë turmën e protestuesve duke hapur rrugën. Megjithatë, gjatë gjithë kohës pati përpjekje për të dalë sërish në rrugë. Kur eskorta e kreut të qeverisë po mbërrinte, turma u revoltua teksa nuk mungoi edhe hedhja e shashkave. Por FNSH dhe policia, mundësuan kalimin pa probleme të eskortës.
Në momentin që ka kaluar eskorta e kryeministrit Rama, në drejtim të saj është qëlluar edhe me gurë, në tentativë për ta ndalur.
Në vendngjarje ishin edhe forcat zjarrfikëse ndërkohë që situata u tejkalua pa përplasje të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
