Plagoset 16-vjeçari në Fier, shpallet në kërkim autori

Një 16-vjecar është plagosur me mjet prerës nga një bashkëmoshatar tij në qytetin e Fierit.

Burimet zyrtare bëjnë me dije se adoleshenti ndodhet në spitalin e Fierit për te marrë mjekim, ndërsa gjendja e tij shëndetësore ende nuk dihet.

Ndërkohë autori i ngjarjes është shpallur në kërkim nga policia.

“Rreth orës 19:20, në vendin e quajtur "Zogu i zi", Fier, dyshohet se një shtetas 16 vjeç, për motive të dobëta, ka goditur me mjet prerës (thikë), një bashkëmoshatarin e tij 16 vjeç, i cili ndodhet në spital, në kujdesin e mjekëve.

Shërbimet e Policisë po punojnë për kapjen e autorit.

Grupi hetimor vijon punën për zbardhjen dhe dokumentimin e plotë ligjor të këtij rasti.”