Eksperti i Kriminologjisë Ervin Karamuço e konsideroi një skandal, rënie të shtetit dhe sistemit të drejtësisë ngjarjen e ndodhur në Tiranë, ku i riu Denis Telo sulmoi fizikisht në mënyrë brutale dy vajza. Duke folur në MCN Live Karamuço tha personi në fjalë ka një çrregullim që vjen nga një sëmundje e rëndë mendore dhe duhet të shtrohet në një spital psikiatrik.
Skandal! Në këtë rast ka rënë shteti, gjithë sistemi i drejtësisë, gjithë ajo reformë e madhe. Gjithë sistemi i alertit ka rënë. Ky ka një çrregullim që vjen nga një sëmundje e rëndë mendore. Ky duhet të ishte kyçur në spital psikiatrik. Nuk mund t’i them dot burracak, sepse ky është i sëmurë. Ne kemi të sëmurë gjithë sistemin, prokurorinë dhe gjykatësit. Më vjen keq për taksapguesit shqiptarë dhe amerikanë që kanë paguar për reformën në drejtësi. Policia, 96 orë ka përgjegjësi, pastaj janë gjykata, prokuroria. Janë të ndara. Prokuroria mbyll sytë, gjykata thotë dil ca kohë. Duhet shtrim i detyruar në spital psikiatrik. Ka nevojë për trajtim psikiatrik. Policia ka fajin e saj, sepse duhet të sensibilizojë opinionin publik që në Tiranë ka 10 të çmendur, ruajuni. Duke rënë sistemi nxitet vetgjyqësia”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
