Drejtoria e Burgjeve ka bërë publike numrat e të gjithë personave që do të lirohen në bazë të amnistisë së miratuar nga Parlamenti. Kështu nga të gjitha burgjet e Republikës do të lirohen 958 persona që përfitojnë ulje sipas ligjit.
Por nga të gjithë të liruarit vetëm 23 janë gra dhe 7 të mitur. Numri më i madh i të liruarve është nga Burgu i Fierit, 261 persona, ndërsa Peqini është i dyti me 180 persona.
Drejtoria e Përgjithshme e Burgjeve thekson në njoftimin e saj se “Amnistia hyri në fuqi dje më 21 janar”.
Nga ana e Drejtorisë së Përgjithshme të Burgjeve u morën të gjitha masat për zhvillimin normal të këtij procesi në 23 institucionet e sistemit penitenciar, proces ky që nisi në orët e para të mëngjesit dhe ka përfunduar rreth orës 20:15 të mbrëmjes së djeshme.
Drejtoria e Përgjithshme e Burgjeve thekson se procesi i zbatimit të Amnistisë ishte i suksesshëm dhe nuk është shënuar asnjë incident.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
