Berisha: Shqiptarët do bashkohen në protestën më të madhe që ka njohur Shqipëria, më 12 nëntor

Kreu i Partisë Demokratike Sali Berisha ka njoftuar sot se protestat e opozitës do të nisin më 12 nëntor.

Në një komunikim për media, ai u shpreh se në këtë datë nis beteja e madhe kundër regjimit të urryer.

Berisha shtoi se pjesë e protestës nuk do të jetë vetëm PD dhe Partia e Lirisë, por edhe parti të tjera opozitare.

Opozita, PD dhe PL dhe forca te tjera opozitare nisin me datën 12 nëntor, betejën e madhe kundër regjimit të urryer, regjimit te narkoshtetit te pare dhe te vetëm ne Evropë, te partisë shtet, regjimit të Edi Ramës.

Në të katër anët e Shqipërisë po bien sirenat e urrejtjes nga monizmit të Edi Rames. Po bien sirenat e alarmit ndaj gjendjes katatstrofale të krijuara nga vjedhjet e fondeve dhe pasurive publike të qytetareve shqiptare.

Ka pasur dhe ka një interes të jashtëzakonshëm për protestat dhe përballjet me regjimin e partisë-shtet.

Unë kam besimin më të madh se të rinjtë, të rejat e Shqipërisë, që ndodhen në vend dhe ata që janë larguar për shkak të pamundësisë së tyre për të përballuar jetën në Shqipëri, burrat dhe gratë e këtij vendi, do bashkohen në protestën më të madhe që ka njohur Shqipëria më 12 nëntor, për t’i dhënë përgjigjen e merituar, Edi Ramës dhe klikës së tij në pushtet.