Në stadiumin “Selman Stërmasi” të gjithë ishin përgatitur për të festuar titullin kampion, por Tirana sërish nuk ka arritur të fitojë dot.
Bardheblutë nuk shkuan më shumë se barazimi 1-1, në sfidën ndaj Teutës, ndonëse kaluan të parët në avantazh.
Në minutën e 40-të, Vesel Limaj, me një supergol nga jashtë zone, i dha avantazhin skuadrës së Shehit.
Megjithatë në pjesën e dytë, durrsakët u shfaqën më kërkues, duke rrezikuar disa herë portën vendase. Në minutën e 73, Plaku barazoi shifrat, me një gjuajtje me kokë në zonë.
Në fund, kryeqytetasit e mbyllën me 10 lojtarë, pasi Redon Xhixha u ndëshkua me te kuq dhe ashtu si Najdovski, humb derbin me Partizanin.
Tirana mban kryesimin me 67 pikë, 10 më shumë se ndjekësit e Laçit, kur duhen edhe 4 javë nga fundi. Në krahun tjetër, Teuta shkon në kuotën e 40 pikëve në vendin e 7-të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
