Albin Kurti ka refuzuar që t’i shkojë në zyrë presidentit të vendit, Hashim Thaçit për ta marrë dekretin pas propozimit të mandatarit për formimin e qevrisë, raporton Gazeta Express.
Presidenti i vendit, Hashim Thaçi sapo ia ka dërguar kreut të Lëvizjes Vetëvendosje, Albin Kurti vendimin për nominim për postin e Kryeministrit të Kosovës.
Dekreti i presidentit u përcoll në zyrën e kreu të Kuvendit të Kosovës, Glauk Konjufca që zyrtarisht u njoftua për emrin e propozuar.
Presidenti i vendit Hashim Thaçi ka njoftuar zyrtarisht për dekretimin e Albin Kurtit për kryeministër të vendit.
“Pas pranimit të propozimit për mandatar për formimin e Qeverisë së Republikës së Kosovës, Dekretin Presidencial me emrin e kandidatit për Kryeministër e dërgova zyrtarisht në Kuvendin e Republikës së Kosovës. Ky është hap shumë i rëndësishëm për krijimin të institucioneve të reja dhe nga sot fillon edhe rrjedhja e afatit kushtetues për formimin e Qeverisë së Republikës së Kosovës”, ka shkruar Thaçi në profilin e tij në “Facebook”.
I mbetet pastaj kryesisë që të thërrasë mbledhjen e Kuvendit në afat prej 15 ditës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
