Mandati 3-vjeçar i Altin Dumanit në krye të Prokurorisë së Posaçme (SPAK) përfundon më 18 dhjetor 2025.
Në mbledhjen e fundit të Këshillit të Lartë të Prokurorisë (KLP), u hap zyrtarisht gara për drejtuesin e ri të SPAK dhe u përcaktuan kriteret për aplikantët.
Gazetarja Klodiana Lala, e ftuar në emisionin “Të Paekspozuarit” në MCN TV, sqaroi se drejtuesi i ardhshëm i SPAK do të zgjidhet në bazë të kuorumit të anëtarëve të pranishëm në ditën e votimit nga KLP.
Drejtuesi i ri i SPAK do të zgjidhet me shumicën e thjeshtë të votave të anëtarëve të pranishëm atë ditë.
Nëse, për shembull, janë të pranishëm 10 anëtarë të KLP-së, kandidati që merr minimalisht 5 vota konsiderohet i emëruar.
Procedura është ligjore dhe e njëjtë me atë që u ndoq edhe në rastin e zgjedhjes së Altin Dumanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
