Bashkia Tiranë ka vendosur të shpenzojë 246 milion lekë për regjistrimin e fëmijëve të Tiranës në kopshte dhe çerdhe. Për këtë qëllim ajo ka vendosur të ndërtojë një platformë online. Procedura e tenderit për përzgjedhjen e kompanisë që do të ndërtojë platformën është hapur.
Shuma prej 246 milionë lekë do të shërbejë 191 milione lekë për ndërtimin e sistemit softëare dhe 56 milionë lekë për mirëmirëmbajtje +trajnim”.
Sipas dokumentave të tenderit implementimi i sistemit do të zgjat 4 muaj ndërsa periudha e mirëmbajtes do të jetë 2 vjet.
Qëllimi i platformës sipas asaj që shkruhet në dokumentat e tenderit është të rrisë cilësinë, efiçencën, performancën dhe transparencën në procesimit aplikimit, të pranimit dhe regjistrimit të fëmijëve në cerdhet dhe kopshtet e Tiranës.
Aktualisht, Bashkia Tiranë, si bashkia më e madhe në vend, përjeton vështirësi në koordinimin, monitorimin, përzgjedhjen e fëmijëve, nisur nga volumi i aplikimeve, ndodhur para faktit ku qyteti i Tiranës është në rritje, si dhe nga fakti që koha e përzgjedhjes është relativisht e ulët.
Si rrjedhojë e shtimit të vazhdueshëm të punëve dhe përgjegjësive që ky institucion mbulon, lind nevoja e një kontrate që synon të sigurojë një platformë informatike e cila do të mundësojë:
Aplikim online për regjistrimin e fëmijëve në kopshte dhe çerdhe.
• Procesin e shqyrtimit të dokumentacionit të pranimit të fëmijëve në kopshte dhe çerdhe nga komisioni.
• Notifikim automatik të aplikantëve mbi statusin dhe përgjigjet e aplikimit- thuhet në argumentat e Bashkisë.
Në një kohë kur qytetarët e Tiranës, taksapagues të rregullt, nuk kanë kopshte dhe cerdhe publike fare në disa prej lagjeve ku jetojnë , shqetësim i Bashkisë Tiranë është mënyra si do të regjistrohen fëmijët në cerdhet dhe kopshtet ekzistuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
