Zhylien Varfaj do të zëvendësojë në detyrë kryetaren e Bashkisë së Durrësit, Valbona Sako.
Varfaj është komanduar në këtë detyrë pas dorëheqjes së kryebashkiakes Sako mëngjesin e sotëm.
Më parë, ai ka mbajtur detyrën e nënkryetarit të Bashkisë së Durrësit.
Posti i kryetarit të bashkisë mbeti vakant në një moment shumë delikat për Durrësin, qyteti më i prekur nga tërmeti i 26 nëntorit.
Sako njoftoi sot dorëheqjen, një vendim që sipas saj u motivua nga stresi që ka përjetuar orët e fundit, si pasojë e deklaratave të saj në media ditën e djeshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
