Pas kërkesës së bërë nga Gjykata Kushtetuese për ligjin e shumë diskutuar të Vettingut, Komisioni i Venecias pritet ta bëjë sot publik opinionin e tij. Ekspertët e Venecias pritet t’i qëndrojnë besnikë versionit ekzistues, duke theksuar se ligji nuk shkel asnjë nga Konventat Ndërkombëtare.
Opinioni i Komisionit të Venecias do t’i shërbejë Gjykatës Kushtetuese për të patur një optikë më të zgjeruar mbi Ligjin e Vettingut, por do të jetë Gjykata Kushtetuese, ajo që do të vendosë nëse ligji bie ndesh me Kushtetutën, bazuar në pretendimet e ngritura nga opozita në kërkesë padinë e saj.
Ligji i Vettingut ka shkaktuar debat ditët e fundit për shkak se opozita gjeti gabime në variantin a parë të ligjit në përkthimin Anglisht, që iu dërgua Venecias dhe për këtë fajësoi misionin “EURALIUS”.
Ky është opinioni përfundimtar, në përgjigje për Gjykatën Kushtetuese e cila e ka pezulluar ligjin e Vettingut, më të rëndësishmin e reformës në drejtësi dhe futur klasën politike në një konflikt të ri.
Gjykatë i ka drejtuar Komisionit disa pyetje në lidhje konfliktin e interest që mund të ketë në gjykimin e kësaj çështje dhe të disa të tjerave që komisioni do të jap mendimin e tij bazuar në këto pyetje.
Për Gjykatën Kushtetuese, me rëndësi është edhe nëse Ligji i Vettingut është në përputhje me Artikullin 6 të Konventës Europiane të të Drejtave të Njeriut, për hetim të drejtë dhe nëse dispozitat ligjore bien ndesh me vlerësimet dhe Artikullin 8 të Konventës Europiane të të Drejtave të Njeriut, për respektimin e privatësisë së gjyqtarëve dhe prokurorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
