Presidenti francez Emmanuel Macron do të zbarkojë në Algjeri të enjten, vizita e tij e parë në vendin që ka qenë ish-koloni e Francës, me synimin për të përmirësuar marrëdhëniet e tensionuara me kombin e pasur me gaz ndërsa BE-ja lufton për të diversifikuar furnizimet me energji larg Rusisë.
Çështjet si siguria, lidhjet ekonomike dhe energjia janë ndër më kryesoret në axhendën e presidentit francez. Sidoqoftë ka të ngjarë që vëmendjen më të madhe ta tërheqin deklaratat e tij për të kaluarën koloniale të vendit.
Algjeria ishte pjesë e perandorisë koloniale franceze për më shumë se një shekull derisa fitoi pavarësinë në vitin 1962, pas një lufte që shkaktoi një dëm të madh njerëzor dhe u karakterizua nga brutaliteti i egër, duke lënë një gjurmë në politikën dhe shoqërinë franceze.
Marrëdhëniet franko-algjeriane u krisën në fund vitin e kaluar pas komenteve të Macron mbi instrumentalizimin e supozuar të Algjerisë të ankesave të së kaluarës.
Si kundërpërgjigje Algjeria tërhoqi ambasadorin, megjithëse që atëherë të dy vendet kanë bërë njëfarë përparimi në rivendosjen e lidhjeve.
Franca synon jo vetëm të normalizojë marrëdhëniet dypalëshe me Algjerinë, por edhe të shpëtojë sferën e saj të ndikimit në Afrikë, ndërsa Rusia dhe Kina kërkojnë të forcojnë aleancat në të gjithë kontinentin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
