Motra e liderit të Hamasit, Ismail Haniyeh është arrestuar nën dyshimin për kontakt me operativët e grupit terrorist dhe mbështetje për akte terroriste.
Policia izraelite thotë se 57-vjeçarja është arrestuar në një kontroll të përbashkët me agjencinë e kundër spiunazhit, Shin Bet.
E dyshuara, e cila nuk është identifikuar nga policia në deklaratë, është banore e qytetit jugor Tel Sheva.
Në një deklaratë, policia tha se gjatë një bastisjeje në shtëpinë e të dyshuarës, oficerët gjetën dokumente, media, telefona dhe prova të tjera që e lidhin atë me shkelje të rënda të sigurisë.
Gruaja do të paraqitet në Gjykatën e Magjistraturës Beersheba gjatë ditës së sotme për një seancë dëgjimore për paraburgimin e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
