Të tjera detaje janë zbardhur lidhur me ngjarjen e rëndë të ndodhur këtë mëngjes në zonë e kinostudios ku një 28 vjeçar ka humbur jetën pasi ka rënë nga lartësia e pallatit në ndërtim ku punonte.
Gazetari Besmir Pula në një lidhje me 'MCN Live' shprehet se disa burime konfirmojnë se punëtori ka qenë në katin e 7-të të pallatit ku punonte në momentin që është rrëzuar.
Bëhet fjalë për dërrasa që janë në proces çmontimi vendi ku ka përfunduar nga kati i shtatë i riu. Ai ka qenë duke çmontuar dërrasat. Policia ka konfirmuar se bëhet fjalë për Adrian Fejzullahu.
Në këtë pallat mungojnë kushtet e sigurisë, punëtori nuk ka qenë i lidhur me litar. Institucioni përgjegjës për kontrollet është inspektorati i punës që duhet të bëjë kontrollet për kushtet teknike.
Është detyra e subjekteve që kryejnë ndërtime pastaj inxhinieri teknik dhe që punëtori të punojë me standardet. Aktualisht janë pezulluar punimet, janë shoqëruar drejtuesi teknik për të dhënë deklarimet lidhur me këtë ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
