Kryetari i Federatës italiane të futbollit, Carlo Tavecchio e cilëson si apokaliptike mos pjesëmarrjen në Kupën e Botës
Projekti i Gian Piero Ventura në stolin e Kombëtares italiane mori një goditje të rëndë mbrëmjen e së shtunës, teksa u mposhtën 3-0 nga Spanja, megjithatë Federata Italiane e Futbolli i ka idetë e qarta për vazhdimi e projektit të Venturas.
“Puna jonë është e rëndësishme, para ndeshjes në Spanjë të gjithë ishin të kënaqur. I kam konfirmuar besimi Venturas”, deklaroi Carlo Tavecchio, presidenti i Federatës Italiane të Futbollit.
Por për kreun e futbollit italian, mos kualifikimi për në botërorin Rusi 2018 do të kishte përmasa apokaliptike.
“Të mos shkojmë në Botëror do të ishte një apokalips, por do të shkojmë. Në rast të kundërt do të vlerësojmë situatën”, deklaroi Tavecchio
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
