Pllaka më e vjetër e njohur e mbishkruar me Dhjetë Urdhërimet nga Dhiata e Vjetër pritet të arrijë deri në 2 milionë dollarë kur të dalë në ankand muajin e ardhshëm.
Guri, i cili daton rreth 1500 vjet më parë në epokën e vonë romako-bizantine, është një artefakt i jashtëzakonshëm nga bota antike, por ishte i harruar për qindra vjet.
Me peshë 115 paund dhe me lartësi dy metra, guri u zbulua në vitin 1913 gjatë gërmimeve për një linjë të re hekurudhore në pjesën jugore të asaj që është sot Izraeli.
Ajo u gjet afër vendeve të sinagogave, xhamive dhe kishave të hershme dhe ishte e shkruar me 10 ligjet biblike në shkrimin paleo-hebraik.
Megjithatë, rëndësia e gjetjes nuk u vlerësua plotësisht dhe guri vazhdoi të përdoret si shtrojë jashtë shtëpisë së dikujt për tre dekada. Mbishkrimi ishte vendosur me fytyrë lart dhe guri ishte i ekspozuar ndaj trafikut të rënduar të këmbëve.
Për fat të mirë, rëndësia historike e pllakës u njoh dhe u ruajt përfundimisht. Sipas një deklarate për shtyp dërguar CNN nga Sotheby's, e cila do të nxjerrë në ankand pllakën në Nju Jork muajin e ardhshëm, guri iu shit një studiuesi në vitin 1943.
Në një videoklip të shkurtër rreth shitjes, shtëpia e ankandit përshkruan Dhjetë Urdhërimet në Librin e Eksodit si "gur themeli i ligjit dhe moralit" dhe "teksti themelues i qytetërimit perëndimor".
Guri përmban 20 rreshta teksti, të cilat ndjekin nga afër vargjet nga Bibla, të përbashkëta për traditat hebraike dhe të krishtera.
Megjithatë, janë përfshirë vetëm nëntë nga 10 urdhërimet nga Eksodi, ku mungon: "Mos e përdor emrin e Zotit kot". Në vend të tij është një direktivë e re për adhurimin në malin Gerizim.
Ankandi do të zhvillohet më 18 dhjetor, por pllaka do të jetë e disponueshme për t'u parë në sallonin e ankandit të Nju Jorkut nga 5 dhjetori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
