Janari i vitit 2025 ishte më i ngrohti i regjistruar ndonjëherë, me një temperaturë mesatare të sipërfaqes prej 13.23 gradë, 0.79 gradë mbi mesataren e janarit për periudhën referuese 1991-2020.
Këtë e ka bërë të ditur shërbimi i motit i Bashkimit Europian, Copernicus.
Janari 2025 ishte 1.75 gradë Celsius mbi nivelet para-industriale dhe ishte muaji i 18-të në 19 muajt e fundit në të cilin temperatura mesatare globale e sipërfaqes ishte 1.5 gradë mbi nivelet para-industriale.
12 muajt e fundit, nga shkurti 2024 deri në janar 2025, ishin 0.73 gradë mbi mesataren 1991-2020 dhe 1.61 gradë mbi mesataren para-industriale 1850-1900.
Në fillim të vitit të kaluar, temperaturat globale u rritën nga fenomeni natyror i motit El Nino, ku ujërat sipërfaqësore jashtëzakonisht të ngrohta u përhapën në të gjithë Paqësorin tropikal lindor. Kjo lëshon nxehtësi shtesë në atmosferë, duke rritur temperaturat globale.
Këtë vit, kushtet e La Niaa-s po zhvillohen sipas grupit shkencor amerikan Noaa, i cili duhet të ketë efektin e kundërt.
Ndërsa La Niaa aktualisht është e dobët dhe ndonjëherë duhen disa muaj për të pasur efektin e saj të plotë në temperatura pritej të çonte në një janar më të freskët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
