Ata ishin të parët që izoluan virusin Sars-CoV2 në Itali. Sot, i njëjti ekip jep lajmin e mirë. "Virusi ndryshon deri në 100 herë më pak se HIV. Kjo rrit shpresën për zhvillimin e vaksinave efektive".
Lajmi u dha gjatë inaugurimit virtual të vitit akademik të Universitetit UniCamillus nga Maria Rosaria Capobianchi, profesoreshë e Biologjisë Molekulare dhe përgjegjëse e Laboratorit të Virologjisë në Institutin Spallanzani.
Rezultati del nga një analizë e kryer pas botimit të fundit në revistën “Microrganism”, i cili kishte theksuar një ndryshim të virusit midis traktit të sipërm dhe atij të poshtëm të frymëmarrjes.
"Lajmi i mirë është se Sars-CoV2 ka një gjenom më të qëndrueshëm se ai që shkakton AIDS" dhe më pak të pakapshëm. Dhe për këtë "është më e lehtë të zhvillohen vaksina që funksionojnë".
"Sars-Cov-2 ka një enzimë replikuese të gabuar dhe të pasaktë - shpjegoi Capobianchi - prandaj ka një ndryshueshmëri që gjeneron një 'kuazi-specie' në organizëm, një tufë virusesh pothuajse identike por që tregojnë variacione të vogla midis tyre. Mund të jetë një mekanizëm i evolucionit dhe përshtatjes në vendet e ndryshme anatomike ku replikohet virusi. Ne e kemi parë atë në mushkëri dhe në traktin e sipërm respirator".
Laboratori “Spallanzani” ishte ndër të parët në botë që ndoqi këtë qasje kërkimore, duke demonstruar 'kuazi-speciet' edhe në viruset HIV, hepatitit dhe gripit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
