Një fëmijë në Elbasan është aksidentuar për vdekje gjatë kohës që po kalonte rrugën për në shkollë, i përplasur me makinë nga regjisori Petri Bozo.
Ngjarja e rëndë u shënua në fshatin Mengel, ku si pasojë e aksidentit, humbi jetën një fëmijë i moshës 7-vjeçare.
Mësohet se fëmija ishte duke kaluar rrugën për në shkollë, e cila është ngjitur me aksin nacional, kur i shpëtoi nga dora të ëmës dhe u përplas nga makina.
Policia njoftoi se rreth orës 08:00, në aksin rrugor Elbasan-Librazhd, automjeti me drejtues shtetasin Petri Bozo, 61 vjeç, ka përplasur një fëmijë rreth 7 vjeç, i cili si pasojë ka humbur jetën.
Drejtuesi i automjetit është shoqëruar në komisariat, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
