Tre risi vijnë në Whatsapp. Përdoruesit mund të largohen nga grupet ku bëjnë pjesë pa e marrë vesh të tjerët, mund të kontrollojnë kush e sheh nëse janë online apo jo dhe mund të pengojnë të tjerët të bëjnë screenshot për ta çuar të të tretë.
Njoftimi është bërë nga themeluesi i Facebook, Mark Zuckerberg. Ai vjen vetëm dy ditë pasi u paralajmërua një tjetër ndryshim: mesazhet e dërguara mund të fshihen deri në "pak më shumë se dy ditë pas dërgimit". Me një fjalë, mesazhe që mund të shpëtojnë miqësi, marrëdhënie personale apo pune. Sa herë, në fakt, pasi kemi dërguar një mesazh në chat, e kemi gjetur veten duke menduar “ndoshta nuk duhej ta kisha bërë këtë?”.
Vetëm pak javë më parë, WhatsApp njoftoi se bisedat mund të zhvendosen nga një smartphone Android në një iPhone (dhe anasjelltas). Funksioni ishte një nga më të kërkuarit nga përdoruesit, të cilët më në fund u dëgjuan nga kompania. Tani ky shërbim është i aksesueshëm për të gjithë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
