Papa Françesku: Sa më shumë pushtet të kërkohet, aq më shumë kërcënohet paqja

Në skenën e kësaj bote, ne shpesh shohim se sa më shumë të kërkohet pushtet, aq më shumë kërcënohet paqja.

Kështu tha Papa Françesku në predikimin e meshës së kremtuar sot në stadiumin kombëtar të Bahreinit në mbretërinë e Lindjes së Mesme.

Për Papa Françeskun ne duhet të zgjedhim të mos kemi armiq, të mos shohim te tjetri një pengesë për t'u kapërcyer, por një vëlla dhe një motër për të dashuruar.

Të duash armikun do të thotë të sjellësh pasqyrimin e parajsës në tokë. Jezusi na jep fuqinë për të dashur  në një mënyrë që na duket mbinjerëzore. Por një kapacitet i tillë nuk mund të jetë vetëm fryt i përpjekjeve tona, por është më lart. e gjitha një hir. Një hir që duhet kërkuar me këmbëngulje.

Rreth 30 mijë njerëz morën pjesë në meshën e Papës në stadiumin kombëtar në Bahrein. Ata erdhën aty edhe nga vendet fqinje. Në meshën e Papës, ndër gjuhët e përdorura, përveç anglishtes dhe spanjishtes, janë edhe konkani, tamilishtja, tagalogu.