Armenia po kërkon bashkëpunim ushtarak me Francën, çka do ta shkëpusë atë nga aleanca me Rusinë. Armenia është aktualisht anëtare në disa blloqe ekonomike që udhëhiqen nga Rusia.
Lidershipi armen fajësoi Rusinë pasi rajoni separatist i Nagorno-Karabakh i udhëhequr nga armenët u rimor nga Azerbajxhani muajin e kaluar, raporton RT. Moska këmbënguli këtë javë se bëri gjithçka që mundej, duke vënë në dukje se Jerevani kishte njohur tashmë sovranitetin e Bakusë mbi këtë zonë.
Në kanalin televiziv France 2 të enjten, presidenti armen Vahagn Khachaturyan tha se Armenisë i duhet një "partner i ri ushtarak", duke shtuar se Franca kishte shprehur gatishmërinë "të na ndihmojë, të na mbështesë për të forcuar aftësitë tona mbrojtëse".
Ai vuri në dukje se negociatat për bashkëpunim më të ngushtë me Francën janë në proces, me synimin për të "ndaluar ambiciet e Azerbajxhanit".
Ministrja e Jashtme franceze Catherine Colonna gjithashtu konfirmoi për gazetën se ajo i kishte kërkuar ministrit të Mbrojtjes Sebastien Lecornu të vlerësonte aftësinë e Parisit për të ofruar ndihmë ushtarake për Jerevanin. Ajo tha se përpjekjet kishin për qëllim të shmangnin një "situatë më të ndërlikuar" në rajon. Megjithatë, ajo nuk pranoi të hyjë në detaje të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
