Myslimanët në Shtetet e Bashkuara të Amerikës që votuan Trump janë të zhgënjyer nga emërimet e tij. Mediat kanë shkruar se drejtuesit e myslimanëve kryesisht në Micigan që i dhanë edhe fitoren Trump janë kundër emërimit të Marco Rubio si Sekretar Shteti.
Rexhinaldo Nazarko, drejtor ekzekutiv i Ameen tha përmes një lidhje “Skype” me studion e lajmeve të MCN Tv se komuniteti mysliman, por jo vetëm kanë dalë kundër emërimeve të Trump duke parë situatën në Lindjen e Mesme dhe situatën që ka shkaktuar në SHBA.
Sipas Nazarkos, shumë aktorë ndihet të zhgënjyer pasi Trump ka thyer premtimet.
Komuniteti mysliman duke para situatën në Lindjen e Mesme dhe dëmin që kjo situatë ka shkaktuar dhe në krahun e brendshëm të SHBA-ve ka marrë qëndrimin që këto përcaktime të kabinetit të ri të Trump dalin kundër premtimeve të tij të mëparshme për një kabinet pro paqe dhe antiluftë.
Këto premtime nuk i janë bërë vetëm komunitetit mysliman. Këto premtime i janë bërë komuniteti Maga dhe komuniteti anti luftë që është krijuar në tetor të 2023. Të gjithë këta palë ndihen të zhgënjyer. Komuniteti mbështetës i Trump priste zgjidhje kabineti që do përqendroheshin në sigurinë e brendshme.
Rubio ka qenë një nga senatorët që ka mbajtur qëndrimin më pro-Izraelit në Senat. Një mbështetje që del drejtpërdrejt kundër interesit të sigurisë kombëtare të SHBA-së. Izraeli ka cenuar rangun e urdhrit botëror që Amerika ka krijuar pas Luftës së Dytë Botërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
