Një person ka humbur jetën pasi është thithur nga motori i një avioni pasagjerësh që nisej nga aeroporti Schiphol i Amsterdamit.
Zyrtarët e aeroportit holandez e raportuan lajmin, duke specifikuar se tragjedia ndodhi në platformën jashtë terminalit të qendrës së ngarkuar, ndërsa një fluturim i KLM ishte gati të nisej drejt Billund, Danimarkë.
Pasagjerët u zbritën nga avioni dhe u hap një hetim. Avioni i përfshirë në ngjarje është një avion Embraer me rreze të shkurtër veprimi, i përdorur nga shërbimi Cityhopper i KLM.
Tragjedia u përjetua drejtpërdrejt nga disa pasagjerë të fluturimit, të cilët panë fundin e tmerrshëm të viktimës, teksa thithej nga motori.
“Të mërkurën një aksident ndodhi në Schiphol gjatë të cilit një person përfundoi në motorin e një aeroplani në lëvizje, për fat të keq personi vdiq”, shkroi në një deklaratë kompania holandeze KLM.
Një punonjës i kompanisë në bordin e avionit tha se një person u hodh në motor ndërsa ekuipazhi sapo kishte përfunduar udhëzimet e sigurisë.
Për momentin nuk dihet as nëse viktima ishte pasagjer apo punonjës i aeroportit. Nuk ka asnjë konfirmim apo mohim edhe nëse veprimi ka qenë i qëllimshëm apo jo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
