Departamenti Amerikan i Energjisë do të njoftojë në një konferencë për shtyp nesër se shkencëtarët amerikanë ia kanë dalë, për herë të parë në histori, të prodhojnë një reaksion të shkrirjes bërthamore që gjeneron më shumë energji sesa nevojitet për ta ndezur atë.
Lajmin e bën të ditur “Washington Post”, e cila flet për "një moment historik në kërkimin dhjetëvjeçar dhe të kushtueshëm për të zhvilluar një teknologji që ofron energji të pakufizuar, të pastër dhe të ekonomike".
Për gazetën amerikane, është “Grali i Shenjtë” i energjisë pa karbon për të cilin shkencëtarët janë përpjekur që nga vitet 1950.
Zbulimi ka ndodhur në Kombinatin Kombëtar të Ndezjes të vendosur në Laboratorin Kombëtar Laërence Livermore, në Kaliforni. Disa studiues, të intervistuar nga Washington Post, konfirmuan progresin, por në kushte anonimati. Qëllimi i hulumtimit të shkrirjes është të përsërisë reaksionin bërthamor përmes të cilit krijohet energjia në Diell. Deri më tani, eksperimentet kishin zhgënjyer pritshmëritë e studiuesve, të cilët vërtet kishin arritur të shkaktonin shkrirjen, por duke përdorur shumë më tepër energji për ta marrë atë sesa energjia që çliron vetë reaksioni.
"Ky përparim" në Shtetet e Bashkuara "dëshmon se nevoja për të vazhduar investimin në shkrirjen bërthamore është e fortë", tha presidentja e Komisionit Evropian, Ursula von der Leyen. “Ne kemi nevojë për qasje të ndryshme për të siguruar këtë energji të pastër në të ardhmen, por kjo tregon se ia vlen puna dhe hulumtimi i intensifikuar”, theksoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
