Të paktën 26 persona kanë mbetur të plagosur rëndë mbrëmjen e së dielës pasi një autobus me targa të Maqedonisë ka dalë jashtë rrugës në autostradën Shkup – Veles. Ekipe të ndihmës së shpejtë kanë nxjerrë të lënduarit nga autobusi dhe i kanë transportuar nëpër qendrat spitalore, raporton Alsat.
Në Qendrën Emergjente në Shkup janë pranuar dhjetëra nga pasagjerët e lënduar, njëri prej të cilëve, në gjendje kritike, ndërroi jetë pak orë më vonë. Në Spitalin e Qytetit janë pranuar gjashtë persona mes të cilëve edhe një person me lëndime më të rënda. Në spitalin e Velesit janë pranuar 8 persona, mes tyre edhe një fëmijë.
Nga Ministria e Brendshme kanë njoftuar se aksidenti ka ndodhur rreth ores 19:00 në autostradën Shkup – Veles, në afërsi të vendit të quajtur “Kulla”. Sipas MPB-së deri te aksidenti ka ardhur pas shoferi i autobusit e ka humbur kontrollin dhe ka dale jashtë rrugës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
