Besimtarët ortodoksë kremtojnë sot festën e Pashkës, ringjalljen e Jezu Krishtit.
Në Tiranë mesha e shenjtë mbahet në Katedralen Ortodokse.
Në mesnatë qindra besimtarë ortodoksë në Fier kanë ndjekur meshën e ngjalljes së Krishtit në kishën e Shën Gjergjit.
Edhe në Lushnje besimtarët kanë uruar për ditën e shënuar ndërsa kanë ndjekur meshën tradicionale.
Të shumtë kanë qenë besimtarët ortodoksë në Durrës që kanë tejmbushur katedralen e "Apostull Pavlit dhe Shën Astit". Disa minuta përpara mesnatës, me qirinj në duar kanë pritur ringjalljen e Krishtit.
Edhe në Gjirokastër gjatë mesnatës besimtaret kanë ndjekur meshën tradicionale të Pashkës.
Në Elbasan mesha e Pashkës mblodhi besimtarët në kishën e Shën Kollit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
