Babai i Elon Musk: Nuk jam krenar për arritjet e tij!

Ai mund të ketë një pasuri të pabesueshme, planifikon të dërgojë njerëzimin në Mars dhe themeloi disa nga kompanitë më të suksesshme në planet, por asnjë nga arritjet e shumta të Elon Musk nuk duket se i bën përshtypje babait të tij!
 

Në një intervistë që ai dha së fundmi për “The Kyle and Jackie O Show” në Australi, 76-vjeçari Errol Musk u pyet nëse ndihet krenar për ato që djali i tij ka arritur në jetën e tij.
 

Përgjigja që ai dha sigurisht që do të befasonte shumë njerëz. "Jo. E dini, ne jemi një familje që kemi bërë shumë gjëra për shumë vite. Ne nuk filluam të bënim gjëra të papritura”, vuri në dukje Errol Musk, duke shtuar se edhe vetë Eloni nuk është i kënaqur me karrierën e tij.

Edhe pse ai pranoi se djali i tij ka arritje më të rëndësishme se fëmijët e tjerë, ai theksoi se Eloni dhe vëllezërit e motrat e tij kishin vizituar shumë vende gjatë fëmijërisë dhe kishin marrë pjesë në shumë aktivitete interesante së bashku si familje. 

"Ata kanë parë shumë gjëra dhe ne kemi bërë shumë gjëra së bashku, " tha Errol për fëmijët e tij, duke iu referuar udhëtimeve familjare në Kinë, pyllin e Amazonës.

Siç shpjegoi ai, djali i tij 50-vjeçar ndjen se ka mbetur prapa në karrierën e tij, për sa i përket nivelit që donte që kompanitë e tij të kishin arritur tashmë. 

“Ai është i frustruar me shkallën e progresit dhe kjo është e kuptueshme. E di që tingëllon çmenduri, por ne priremi të mendojmë kështu si familje. Ai tani është 50 vjeç dhe ende e mendon si një djalë të vogël. Por ai është 50 vjeç, është një burrë i madh”.

Ai mund të ketë folur mjaft ftohtë për djalin e tij ambicioz që ka bërë të gjithë planetin të flasë për të, por toni i Errol Musk ishte krejtësisht i ndryshëm kur ai iu referua një tjetër prej fëmijëve të tij, Kimbal Musk, "krenarisë" së tij siç e përshkroi. 

Kimbal është një pronar restoranti dhe kuzhinier dhe ka një pasuri prej 700 milionë dollarësh.