Izraeli dhe Kosova kanë rënë dakord të krijojnë lidhje diplomatike dhe Kosova, së bashku me Serbinë, do të hapin ambasada në Jeruzalem, tha të premten kryeministri izraelit, Benjamin Netanyahu.
Deklarata e Netanyahut erdhi menjëherë pasi Presidenti i SHBA Donald Trump bëri një njoftim të ngjashëm në Uashington, ku ai u takua me liderët e Serbisë dhe Kosovës ndërsa ata ranë dakord të normalizonin lidhjet ekonomike midis tyre.
"Kosova do të jetë vendi i parë me shumicë myslimane që hap një ambasadë në Jeruzalem," tha Netanyahu. "Siç kam thënë në ditët e fundit - rrethi i paqes dhe njohjes së Izraelit po zgjerohet dhe më shumë vende pritet të bashkohen".
Vetëm dy vende - Shtetet e Bashkuara dhe Guatemala - kanë hapur tashmë ambasada në Jeruzalem. Palestinezët i kanë kundërshtuar këto lëvizje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
