Në mbledhjen e sotme të Asamblesë Socialiste, kryeministri Rama u ndal në nevojën për ristrukturimin e administratës dhe plotësimin e saj me profesionistë. Kryeministri u shpreh se kishte edhe këngëtarë që punonin në Agjencinë Kombëtare të Burimeve Natyrore, duke thënë se kjo kohë do të ikë.
I menjëhershëm ka qenë edhe reagimi i vetë këngëtarit për këtë akuzë. Ai është Klajdi Musabelliu, i cili është bërë i njohur për publikun disa vite më parë në konkursin e talenteve “Ethet e së Premtes Mbrëma”.
Musabelliu i është përgjigjur Ramës duke postuar në “Instagram” foton e diplomës së marrë në një universitet privat.
“Unë këngëtar, gazetar dhe aktor dublant jam i nderuar koleg piktor. Por më mirë këngëtar dhe me dinjitet, sesa të lëpi mendere në këtë kohë bandash, droge dhe neokomunizmi që po instalon ti. Vdekja Fashizmit Liri Popullit, i nderuar”, - shkruan Musabelliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
